Skip to Menu Skip to Search 與我們聯繫 Hong-Kong 網站 & 語言 Skip to Content

高度篇

鞋踭最理想嘅高度係少過 3cm 。如果想個踭再高啲,建議穿著有防水台嘅款式,咁腳掌屈曲嘅弧度冇咁大,前掌承受嘅壓力會細啲冇咁易腳痛。

款式篇:

尖頭鞋嘅鞋頭空間比圓頭鞋細,容易因為磨擦過多而令腳趾起水泡。我哋建議大家 買大半號以減少腳趾受擠壓嘅情況。大家亦可以揀啲有氣墊嘅鞋款,又或者加塊啫喱鞋墊,令鞋身更貼腳,增加舒適度。   

Shoes on display in shop

 

鞋踭篇:

好多人都知道著粗踭鞋會舒服過著斗零踭,但由於斗零踭鞋更能突顯女性嘅身型,好多女士都會選擇後者。粗踭好,幼踭都好,買鞋時一定要 確保鞋踭嘅物料實淨、踭同鞋身嘅接駁夠穩固,咁就可以 減少斷踭同甩踭嘅情況出現喇。   

物料篇:

 無論鞋面定內籠,   真皮質料都會比人造皮更透氣、透濕,而且唔會話著耐咗或者放多幾年就剝離(俗稱「甩皮」),亦會比較舒服同耐用。

價錢篇:

高踭鞋價格上至幾千,下至幾十都有成交。除咗牌子同款式唔同,貴嘅高踭鞋到底有咩過人之處呢?

首先,貴價鞋嘅穩定性會較高,放喺平面上唔會左搖右擺,咁著上身就會穩陣啲,冇咁易拗柴。另外鞋嘅用料都係其中一個影響價錢嘅元素。貴價鞋質料較軟,會冇咁刮腳。   

為咗健康,大家盡可能都減少著高踭鞋嘅次數同時間,各位 OL 都可以放多對平底鞋喺 office 作替換,俾雙腳休息下。不過最重要都係選擇著得舒服又啱 size 嘅鞋,唔好淨係因為個鞋款靚而委屈自己呀!