Skip to Menu Skip to Search 與我們聯繫 Hong-Kong 網站 & 語言 Skip to Content

前排歐國盃今個星期就奧運,運動迷一定最興奮! 見到運動員係比賽場上又型又神勇,背後除咗天份同努力,其實運動衫上面都用咗好多新技術去提升佢地嘅表現同狀態,運動迷想買運動衫支持下偶像都要知多啲件衫咩底蘊呢?

透水氣性

天氣又熱又濕,若運動衫比較焗身,有機會未落場就已經流哂汗。其實我地平時講開嘅「透氣性」並唔係指空氣穿透衣料,而係水氣穿透衣料嘅性能,即係透水氣性。若運動衫有高透水氣性,穿上時唔會令體溫同汗液蒸發出嘅水氣困係皮膚同衫之間,減慢皮膚溫度上升同出汗過程,令身體盡量保持乾爽!

吸濕排汗性

若汗液長期留係身上,會妨礙身體散熱,令運動員無法專注比賽。有吸濕排汗功能嘅衣料可以將水分由布底(即皮膚表面)迅速帶上較薄嘅布面上,水分係布面快速散開,令汗水更容易蒸發,身體就唔會再有好似被件衫黏住個身嘅感覺!

 

強靭性

現今運動衫用料越來越薄,減輕重量可以減低對運動員嘅負荷,同時可以令佢地更容易伸展,動作更自然。不過某啲高強度嘅對抗性運動好似足球,拉扯動作無可避免,所以都唔可以忽略球衣嘅強靭性。

壓縮衣

近年流行係普通運動服內,穿著緊身有彈性嘅壓縮衣,增強肌肉力量同時減少肌肉震盪,以增強運動效能及訓練成效。有運動品牌更將兩者合二為一,以彈性纖維(Elastane)混合聚脂(Polyester)嚟製造運動衫,融合壓力衣優點同技術,球員無需額外穿上壓縮衣!