Skip to Menu Skip to Search 與我們聯繫 Hong-Kong 網站 & 語言 Skip to Content

一個綠化天台除咗令人關注建築物結構安全,亦都間接提高大家認識機構對環保嘅資源投放。政府商界近來都好積極提倡環保,當然係一個令人鼓舞嘅現象。其實一間公司一個機構想實行環保,好多人第一時間會諗起點樣鼓勵公司上下慳電慳水、廢物分類同回收、減少用紙等等,再行多一步可能係例如綠色建築、綠化天台等等,其實統統都 係環保嘅基本概念。

我地定期幫公司客戶審核一下佢地環保 管理認證下 嘅運作,當然並唔係單單睇以上慳水慳電嘅措施,而係深入啲睇每個行業嘅客戶會唔會檢視一下佢地自身業務、營運以及持分者對環境可能做成嘅直接間接風險 影響。

Towering Sequoia Trees

比如金融業嘅客戶, 一般以借貸為主要業務,但 係佢地嘅借貸客戶 會將 用係咩類型項目?個項目本身會唔會係對環境有負面嘅影響 ? 如果有嘅,呢個客戶係咪要再三評估一下係咪應該批准呢一項貸款呢 ? 又比如有做國際貿易嘅客戶,佢地嘅供應商名單都唔係以價格為單一標準,佢地會睇埋供應商嘅採購生產係咪合乎法規,有無對環境造成破壞 ,對佢地員工嘅基本待遇係點 等等。

驟眼睇營商同環保概念 行業上 可能 有矛盾嘅地方,但 確實好多本地企業係 執行 環保管理 系統 都好有前瞻性, 係商譽上或者開拓新服務上都 有聲有色。

唔同行業真正實行情況都 各有不 同,我地審核環保認證 ( 比較出名係 ISO 14001) 都要對各行各業嘅運作有深入認識,咁先可以睇到 運作流程上嘅「環保改善空間」,發揮 環保管理系統嘅真正意義。