Skip to Menu Skip to Search 與我們聯繫 Hong-Kong 網站 & 語言 Skip to Content

首先要識得睇下件衫嘅成份標籤先,其實呢個成份標籤係好多國家都規定要有嘅,唔係單單一個產品描述,好多都需要經過專業纖維測試,鑒定件衫嘅纖維成份符合標籤說明,先可以過到關。

如果要數今年夏天其中最流行嘅衣料,麻同棉 (cotton/ linen) 應該當之無愧。棉同麻所織成嘅布料都透氣度高,吸濕效果好,纖維組織較疏令空氣流通,有助排汗。

佢同純麻布比較,感覺上無咁 raw ,亦無咁易皺,可能會適合啲唔方便太 casual 嘅場合。

好多 T 恤都係 100% 棉,如果長時間身處烈日當空下或者係做運動,其實唔太適合,因為濕氣會積聚係身上而唔能夠容易揮發,感覺會好唔舒服。

不過熱還熱,都仲有機會室內冷氣太勁或者夜晚要小小 dress up ,可以著啲今年流行的緞料 (Satin) 製嘅薄身外套,係潮流網站或者服裝品牌都見幾多民族圖案刺繡款嘅 souvenir jacket ,著得又型又舒服。

同埋大家有無發覺功能性服飾都加入咗好多設計同時尚元素,仲有排汗快乾特點,夏天著出街都係另一個選擇,我地下次會再同大家分享多啲。

大家為咗個夏天可能已經努力 keep fit,比較貼身嘅裝束係型啲 cool 啲,但如果您寧願涼快啲cool down 啲嘅,最好當然係著鬆身少少,有助空氣係身體流通。