Skip to Menu Skip to Search 與我們聯繫 Hong-Kong 網站 & 語言 Skip to Content

母親節同媽咪date下 氹下佢 ,送份窩心禮物時仲講啲咩好 ,等佢知道自己又乖又叻 ?

  【滋陰養顏型】

送燕窩俾母親大人或者外母大人一向最體面最得人歡心,溫馨提示下佢地煮之前都要徹底沖洗、浸泡同換水幾個鐘頭,因為燕窩可能含有亞硝酸鹽,係防腐劑嘅一種,可能係燕窩生長環境或者後天加工產生,過量會致癌。無論係燕窩同加工肉類都發生過含亞硝酸鹽過量事故。不過亞硝酸鹽係水溶性,小心處理會降低含量。燕窩嘅主要來源地好似馬來西亞、印尼都有對亞硝酸鹽含量作出指引。

  【永遠都想 25 歲型】

靚媽們最鐘意護膚品,多多唔拘。唔講唔知,光係化妝品護膚品既死敵,強光會令佢地不穩定,慢慢變色變味,用透明樽裝既香水就係最易受影響。同埋有啲伯母驚護膚品變壞,放係雪櫃存放….其實都唔係咁鼓勵,好似啲cream會可能變咗水油兩層分開,質地唔同左,變左顏色…就算無害都唔肯再用啦。

  Cooking Mama 型】

呢期最興儲煲,唔同顏色唔同形狀的確好吸引,煮野食都唔再係苦差。鑄鐵煲傳熱快,縮減煮食時間,節省燃料,不過…真係好重好重好重,煮媽們真係要小心啲。如果輕好多同平啲,買鋁煲或者不銹鋼煲都唔錯 .. 不過買新煲時最緊要睇下個底放係平面係唔係平穩,耳仔係咪都堅固,呢點係煲嘅結構最基本要求。

  【高貴優雅型】

如果想送對高踭鞋俾靚媽咪,咁同佢一齊去試鞋前就要睇定 點樣幫佢揀一對適合嘅高踭鞋

  【密密煲劇型】

宜家多咗咁多節目平台,人人都機不離手,送個靚耳機又得。幾百蚊個耳機 點樣可以襟用啲 ,可以同劇媽分享下

  【廿四孝型】

幸福嘅媽媽通常無咩特別喜好,淨係掛住個寶貝孫或者親戚啲細路,可能調返轉頭想買玩具俾小朋友,原來都可以同媽咪交流下 宜家興咩玩具

  【食得是福型】

仲有啲媽媽識飲識食,寧願一齊食餐飯開心下,去酒樓平時都成日去架啦,想特別啲有意義啲嘅會帶屋企去近年成日聽到嘅「地球友善餐廳」 ( 係呀,有電視台都播緊同主題節目 ) ,簡單講佢地嘅運作模式無論係食材採購、餐單、裝置佈置器具等等都盡量環保啲或者減少對地球資源嘅影響。香港人最鐘意食海鮮,大家又可以睇下食咩海鮮環保啲 ( 下載 Android App / iOS App )