Skip to Menu Skip to Search 與我們聯繫 Hong-Kong 網站 & 語言 Skip to Content

「明哥 咖啡 」呢排好 hit 但究竟個味道係點 ? 一個人試味太主觀,我地搵一班同事 品啡環節 再搵埋同品牌嘅舊版 ( 咁啱有同事有私人存貨 ) ,新舊兩款 ( 無甜 ) 跟足飲用指引一齊試下, 又睇下同事 們有咩 價?

其實我地 以往 定期都 有幫 客戶 進行呢類 味道 觀感 測試 (sensory evaluation) 不過都係 佢地推新產品想睇下一般人嘅反應同評價, 所以順便搵我地幫下手,根據唔同條件要求搜羅多啲意見。最後我地會有埋數據分析俾返客戶,對改良產品都有幫助架。

講返 今次 自發環節, 我地 14 位有飲咖啡習慣嘅同事每個人試完都要填返份簡單問卷,一杯 823 ( 舊版咖啡 ) 一杯 726( 新版 咖啡 ) 之外,仲有一杯水俾大家 係兩杯之間 清新一下味蕾。

點解係 823 726 嘅? 呢類型嘅測試除咗唔可以俾參與者知道飲緊邊款外,有時寫明AB都會俾人先入為主覺得邊隻係新,用一串隨意數字會減少呢種感覺。

咪見佢地坐咁埋就密密斟,其實我地都要求大家唔好商量唔好睇隔離,大家可能覺得奇怪,又唔係考試邊得閑會睇隔離,不過經驗所得,人始終有好奇之心,點都會忍唔住想知人地寫咩,係咪同自己感覺一樣 …… 不過我地同事一般都習慣公正獨立性呢個行業文化,所以大家都係 自己 一個人嘆咖啡

我地份問卷調查會睇下參與同事對整體 香氣 咖啡味 奶味 口感 、兩者差異、 整體 偏好各項目嘅 1-5 評分

我地搵咗 食品服務部同事 統籌 呢個環節,其中有同 事過往 有研發即溶咖啡產品嘅專業經驗 ,宜家主力負責營養標籤服務,搵佢問下意見就最適合不過。

總結情況 :

  • 整體香氣方面,意見認為新版比舊版更突出,有部份同事認為新版嘅香氣明顯。
  • 口感上新版比較溫和,奶味亦輕咗,可能係新版嘅植脂末成份部份以脫脂奶取代,口味同感覺有唔同。
  • 超過一半同事都覺得新舊版差異明顯
  • 如果喜歡香濃咖啡味同奶味無咁重,應該會偏向新版 ;
  • 新版嘅總脂肪同飽和脂肪含量 ( 計算兩者同等重量 ) 比舊版少一半有多,的確比較健康,比較適合打工仔一日幾杯嘅習慣。
  • 雖然包裝說明「無甜」,但其實佢嘅植脂末本身都有糖嘅成份,所以唔可以聲稱「無糖」。「無糖」唔等如「無甜」,係營養標籤條例上產品含糖量要低過某個指標產品先可以作「無糖」聲稱;而甜味係因應個人感官口味而異,並無標準可言。

    Have a nice coffee break!