Skip to Menu Skip to Search 與我們聯繫 Hong-Kong 網站 & 語言 Skip to Content

1.       價錢比較高 嘅耳機,條線會唔會襟啲?

耳機既價錢高低好大部份都係取決於音質,當然價錢高啲亦都有可能用料會比較精細同實淨,但無論價錢係點,都唔應該用力拉扯(屈住條線都係加咗負荷),耳機嘅設計並唔可以承受太大嘅負荷。

2.       點解耳機好少會兩 邊一齊冇聲?

耳機線入面一般都由好多條細線芯組成,如果耳機出現咗一邊無聲嘅情況,好大可能係經過拉扯後部份線芯已經斷裂,影響咗音質,甚至無聲。

如果線芯由一條粗芯組成,會比較易扯斷,就會兩邊同時無聲。

3.       其實成日捲住耳機係咪易斷啲?

其實都唔會。如果唔係大力拉扯就 咁順住自然 打圈捲住問題其實不大,反而係打咗結要解開時,可能會用咗無情力。總之要溫柔啲。

 4.       正常壽命有幾長

其實真係睇返多唔多粗暴對待耳機,要盡量唔好拉扯用力。我地做耳機拉力測試,都係用 100 gram拉力吊住個耳機,都可以維持到8-10萬下,肯定夠1-2年用。

5.       L 形插頭耳機同 I 形插頭耳機有冇分別?

其實好視乎您用嘅電子產品同使用習慣。比如話如果耳筒插位係手機頭尾位置,您又習慣插手機係褲袋, I 形插頭會減少屈住條線嘅情況。如果係同一部機打橫放係手袋,咁 L 形插頭就會理想啲。

6.       圚線定扁線好 ?

如果物料係差唔多,用 扁線 會比較「襟」啲。線芯會偏向貼住圓線走,容易屈住受壓。反而 扁線 入面走位多,線芯無咁跟住條線走,無咁易屈住。

不過 扁線 始終闊啲,比較「大舊」。

7.       用長長嘅耳機拯救正在墮地嘅電話真係好方便,但嗰條耳機承唔承受到電話嘅重量?

咁樣其實已經犯咗使用耳機嘅大忌,就係拉扯會加重耳機線嘅負荷。如果長期都係咁,耳機嘅壽命會大大降低。不過用耳機就救返部貴電話,都「抵」返嘅。