Skip to Menu Skip to Search 與我們聯繫 Hong-Kong 網站 & 語言 Skip to Content

無諗過 Starbucks 係香港其實可能係 最平「租」 最好hea最方便嘅選擇?

您可能會問 Starbucks 唔係賣 咖啡嘅咩 ?

Starbucks 唔係單賣咖啡 ( 相信好多 café 都唔會單靠賣咖啡維皮 ) ,佢同時其實用相宜嘅價錢係黃金地段「出租」緊「地方空間」。試諗下係一個空間入面,您可以舒適自在咁上網沉思,或者同朋友消磨時間,佢亦唔會有時間限制,而您嘅成本大約 30-40 元,諗返轉頭其實都幾划算。

呢個係 Starbucks 同好多其他café嘅經營之道,就係 成功將一個「買野飲」嘅地方轉為顧客嘅 「第三空間」(除咗屋企同office以外嘅空間),大家可以安排時間處理私務或者同朋友聚會,宜家好多café嘅設計同裝修都係迎合呢個需要,有適合俾情侶嘅單對單座位,亦都有啱一大班朋友吹水嘅大梳化。

好多 café 其實都係「不務正業」,賣咖啡其次,更高層次嘅係售賣顧客體驗。當然, café 用環境氣氛服務吸引顧客坐多陣,呢一陣就好大機會係一個增加收入嘅機會。點樣提升顧客體驗可以連點揀背景音樂都係吹毛求疵嘅執著。有無諗過您去開嘅 café 有咩令到您當佢係 the third space?