Skip to Menu Skip to Search 與我們聯繫 Hong-Kong 網站 & 語言 Skip to Content

其實一般喺香港出售嘅 BB 安全門欄都需要跟隨歐洲或者美國嘅產品規例,喺包裝盒上會見到產品聲稱附合 EN1930 (歐洲)或者 ASTM F1004 (美國)嘅標準。 一件產品合唔合規格要經由專業實驗室根據標準測試。  

雖然係咁,不過消費者都可以留意以下幾點(以歐洲標準為例):

1)   門欄高度必須高於 65cm ,並且唔可以有腳踏,以免 BB 輕易翻過。

2)   門欄間距要小過 65mm 以避免 BB 身體卡喺欄與欄之間。

3)   要有堅固嘅雙重附加安全鎖,並且要有自動關門嘅功能,以避免 BB 自行打開。

4)   雖然係俾 BB 用,但都唔應該有任何玩具嘅裝置,目的係唔想 BB 當咗門欄係一種玩具。

  消費者買咗合規格嘅產品都要睇清楚用家指引,因為呢啲指引都係標準嘅一部份,係有根有據㗎!