Skip to Menu Skip to Search 與我們聯繫 Hong-Kong 網站 & 語言 Skip to Content

根據歐洲當局嘅最新資料,唔小心處理要翻叮嘅食物,都有機會引發食物中毒。我地特別抽咗幾點同大家分享下 :-  

l   要留飯餸嘅話要先將食物蓋好,放涼至室溫狀態( 一般不超過4小時),然後直接放入雪櫃。就算係微熱嘅食物擺入雪櫃,會令雪櫃入面溫度上升,滋生細菌,影響埋其他食物。

l   用微波爐叮飯,要注意內內外外都要滾熱,記住叮一半途中要拎出黎翻轉攪拌一下

l   唔講唔知,白飯原來都係「有危」,佢係室溫下細菌更易於繁殖,加熱亦都唔可以殺死細菌。最好處理方法係煲完飯盡快食完,如果情況唔許可,係室溫放涼唔好超過一小時,放係雪櫃亦唔好多過一日。

l   雞肉係肉類之中要比較多加留意,因為佢同蛋類都容易被沙門氏菌感染,翻叮時要緊記多啲翻轉攪伴,要內外熱透。雞肉含較高蛋白質,遇熱後蛋白質唔同程度分解,可能會引致肚痛。

l  另外亦要留意翻熱薯仔蘑菇菠菜。前兩者要先小心處理放涼同冷藏,而歐洲食品訊息委員會建議唔好翻熱菠菜。

 資料來源: Food Standards Agency, European Food Information Council, BBC News Magazine